രക്തപുഷ്പങ്ങൾ

രക്തപുഷ്പങ്ങൾ



ഒരു തുള്ളി ചോരയൊരു...
ജീവനായ് ... തുടിച്ചതും,
അവളിലും, അവൾക്കു ചുറ്റിലും
ആഹ്ലാദത്തിരമാലകൾ ഉയർന്നിടുന്നു....

അതേ .. രക്തപുഷ്പങ്ങൾ
ജീവനേകുവാനാകാതെ ... ഓരോരോ മാസവും...
പെയ്തിറങ്ങിയപ്പോഴോ ...
അവൾക്കതൊരു ശല്യവും...
മറ്റുള്ളവർക്കു, അവളൊരു അശുദ്ധിയും...

ആർത്തവം അർത്ഥവത്താകുന്നത് ...
സ്വയം അവൾതന്നെ ... അവളുടെ...
വിശുദ്ധിയാം ... രക്തപുഷ്പങ്ങളെ ..
തിരിച്ചറിയുമ്പോൾ... മാത്രം...


സ്നേഹപൂർവ്വം,
രമ്യ മനോജ് 

Comments

Post a Comment

Popular posts from this blog

പ്രപഞ്ചത്തിൻറെ കോടതി

Image
(DISCLAIMER:   ഈ കഥയിൽ സൂചിപ്പിച്ചിട്ടുള്ള കഥാ സന്ദർഭങ്ങളും , കഥാപാത്രങ്ങളും , സാങ്കൽപ്പീകം ആണെന്നും , ഇതിൽ വ്യക്തമാക്കിയിട്ടുള്ള ആശയങ്ങൾ ആരെയും വ്യക്തിപരമായി ഉദ്ദേശിച്ചിട്ടുള്ളതല്ല എന്നും വ്യക്തമാക്കുന്നു. കുട്ടിക്കാലത്തു കേൾക്കുന്ന മുത്തശ്ശി കഥകൾ കേൾക്കുന്ന ലാഘവത്തോടെ വായിക്കുകയും , ആശയം മാത്രം ഉൾക്കൊള്ളുകയും ചെയ്യണമെന്നു   അഭ്യർത്ഥിക്കുന്നു. ) പ്രപഞ്ചത്തിൻറെ കോടതി നാല് മാസങ്ങൾക്കു മുൻപ് , ഒരു കോടതി മുറ്റം. കുറ്റകൃത്യങ്ങൾ ചെയ്തു വിലങ്ങണിഞ്ഞ   കുറ്റവാളികളോ , അവരെ ആട്ടി തെളിച്ചു കൊണ്ട് വരുന്ന പോലീസോ , വാദ-പ്രതിവാദങ്ങളിൽ ഏർപ്പെടുന്ന വക്കീലന്മാരോ , ആൾക്കൂട്ടമോ   ഒന്നും തന്നെ ഇല്ല. ശാന്തം... കോടതിക്ക് അകത്തും , പുറത്തും നിശബ്ദത മാത്രം. ഇത് ഭൂമുഖത്തുള്ള സാധാരണ കോടതിയല്ല. ഇവിടെ കൃത്രിമ തെളിവുകൾ സൃഷ്ടിക്കാനാവില്ല. ആരെയും ഭയപ്പെടുത്തി കള്ള സാക്ഷിയാക്കുവാനും സാധിക്കില്ല. നടക്കുന്ന സംഭവങ്ങൾ ലൈവായി കണ്ടുകൊണ്ടിരിക്കുന്ന കോടതിയാണത്... പ്രപഞ്ചത്തിന്റെ കോടതി! നൂറു ശതമാനം , നീതി നടപ്പിലാക്കാനായി പ്രപഞ്ചമെന്ന ന്യായാധിപൻ ഇരിപ്പുണ്ട്. അൽപ്പം ഗൗരവത്തിൽ ആണ് അദ്ദ...
Read more

ഭൂതകാലം എന്നും ഒരു ഭൂതം തന്നെ!

Image
ഭൂതകാലം എന്നും ഒരു ഭൂതം തന്നെ! കാലങ്ങൾ മൂന്നു വിധം എന്ന് നാം വളരെ ചെറുപ്പത്തിലേ പഠിച്ചതാണ്. ഭൂത കാലം, വർത്തമാന കാലം, ഭാവി കാലം. ഇതെല്ലാം പലപ്പോഴും സ്‌കൂളിലെ പാഠ പുസ്തകത്തിൽ നിന്നും പഠിച്ചു പരീക്ഷ കഴിയുന്നതോടെ ഉപേക്ഷിക്കപ്പെടുന്ന ഒരു കൂട്ടം അറിവുകളിൽ പെടുന്ന ഒന്നായിരിക്കാം. പക്ഷെ, നമ്മുടെ ഉപബോധ മനസ്സിൽ വരച്ചിട്ട കാലങ്ങളുടെ  രേഖാ  ചിത്രം എങ്ങനെയാണോ അതുപോലെ ആയിരിക്കും നമ്മുടെ ജീവിതവും, ജീവിത സാഹചര്യങ്ങളും, അനുഭവങ്ങളും. നമുക്ക് തിരുത്താൻ സാധിക്കാത്തതായ ഒരേ ഒരു കാലം ഭൂത കാലം ആണല്ലോ... ഒരു രക്ഷയും ഇല്ല! നമ്മളിൽ പലർക്കും മറക്കാനും പൊറുക്കാനും പറ്റാത്തതായ പല സംഭവങ്ങളും ഭൂത കാലത്തിൽ ഉണ്ടായിരുന്നിരിക്കാം. അതുപോലെ, അന്ന് വേണ്ട വിധത്തിൽ പ്രതികരിക്കാൻ പോലും പറ്റാതെ നിസ്സഹായാവസ്ഥയിൽ കുടുങ്ങി കിടന്ന സംഭവങ്ങൾ ഓർത്ത് നാം ഇന്നും സ്വയം ശപിക്കുകയോ, മറ്റുള്ളവരെ കുറ്റപ്പെടുത്തുകയോ നിരന്തരം ചെയ്തുകൊണ്ടും ഇരിക്കുന്നുണ്ടാവാം. നമ്മുടെ ജീവിതത്തിന്റെ പൂർണ്ണ ഉത്തരവാദിത്വം നമുക്ക് മാത്രം ആണല്ലോ! ഓരോ സംഭവങ്ങൾക്കു ശേഷം,  നാം പോലും അറിയാതെ ഓരോ ജീവിത പാഠങ്ങൾ  നമ്മുടെ ഉപബോധ മനസ്സി...
Read more